Uwch Ystadegydd - Dros dro Gradd 5 (£44,215 - £53,225 codiad cyflog ar yr arfaeth)

Lawrlwythwch y disgrifiad swydd a'r fframwaith cymwyseddau.

Manyldeb y person

Rydym yn chwilio am unigolyn brwdfrydig sy’n mwynhau gweithio’n gydweithredol i fynd i’r afael â heriau pwysig ym maes ystadegau a data ar draws llywodraeth leol yng Nghymru.

Bydd gennych brofiad o gynnal ymchwil ac o gymhwyso dadansoddiadau ystadegol yn effeithiol, naill ai mewn sefyllfaoedd go iawn neu fel rhan o’ch astudiaethau academaidd. Gyda sgiliau rhyngbersonol rhagorol, byddwch yn gallu cyfathrebu gwybodaeth yn effeithiol i ystod o gynulleidfaoedd, er enghraifft, i esbonio canfyddiadau ymchwil ac i yrru ymgysylltiad â phrosiectau yn y dyfodol. Byddwch yn dod â meddylfryd 'gallu gwneud', gan nodi cyfleoedd i wella a pherswadio eraill i fynd ar y daith ddatblygu gyda chi.

Yr hyn y gallwn ei gynnig

Rydym yn sefydliad sy’n gwerthfawrogi dysgu gydag ymrwymiad i ddysgu a datblygu. Rydym yn gwerthfawrogi ein pobl – ac mae hynny’n amlwg. Yn ychwanegol at ganiatâd hael o wyliau blynyddol, rydym yn gweithredu cynllun gwaith hyblyg sy’n rhoi’r cyfle i weithwyr fod yn hyblyg ynghylch eu gwaith, gan sicrhau bod anghenion y busnes a’n cwsmeriaid yn cael eu diwallu. Mae hyn yn cynnwys gweithio hybrid (o gartref neu o leoliadau eraill).

Rydym hefyd yn cynnig nifer o gynlluniau i gefnogi ein gweithwyr, gan gynnwys:

• Cynllun cymorth gweithwyr am ddim (gan gynnwys mynediad at gyngor ac arweiniad megis cwnsela).
• Cynllun gofal iechyd preifat sylfaenol (gyda’r opsiwn i brynu gorchudd ychwanegol i unigolion neu aelodau’r teulu).
• Cynllun llogi cerbyd trydanol (drwy aberthu cyflog).
• Benthyciad tocyn tymor teithio.
• Cynllun 'beicio i'r gwaith' (drwy aberthu cyflog).
• Yr opsiwn i brynu gwyliau blynyddol ychwanegol.

Yr hyn a ddisgwn gennych chi

Gyda hyblygrwydd daw cyfrifoldeb. Rydym yn disgwyl i'n staff fod yn hunan-gymhellol ac yn ymrwymedig i'n gwaith.

Sut rydym yn recriwtio

Mae gennym ddiddordeb mawr ynoch chi fel unigolyn a'r hyn y byddwch chi'n ei ddod i'n sefydliad. Rydym am gael y gorau gennych chi ar y cam ymgeisio ac mae ein proses wedi'i chynllunio i'ch helpu i ddangos eich cryfderau. Mae dau gam i’r broses asesu:

• Sifft o geisiadau (CV + llythyr eglurhaol)
• Os byddwch yn pasio’r sifft, digwyddiad asesu.

Os hoffech wneud cais am y rôl hon, anfonwch eich CV a llythyr eglurhaol (dim hirach na 2 dudalen A4) at Jodie Phillips (jodie.phillips@data.cymru). Dyddiad cau ar gyfer cyflwyno yw hanner dydd ar 30 Ebrill 2025.

Rydym yn croesawu ceisiadau yn Gymraeg a Saesneg. Ni fydd ceisiadau sy’n dod i law yn Gymraeg yn cael eu trin yn llai ffafriol na cheisiadau Saesneg.

Os byddwch yn llwyddiannus yn y sifftio, cewch eich gwahodd i'n digwyddiad asesu. Mae ein digwyddiad asesu yn mynd y tu hwnt i gyfweliad traddodiadol, gan roi cyfle i chi gymryd rhan mewn gweithgareddau mewn ystod realistig o senarios – ac i chi ddod i'n hadnabod ni hefyd!

Rydym yn sylweddoli nad yw llawer o ymgeiswyr posib yn gwneud cais oni bai eu bod yn bodloni’r holl feini prawf. Rydym eisiau deall eich sgiliau, galluoedd a phrofiadau. Efallai eich bod yn bodloni’r meini prawf heb sylweddoli. Os ydych yn ansicr, rydym yn eich annog i wneud cais a pheidio â chymryd eich hun allan o'r cyfle.

Yn olaf, rydym eisiau i chi ddangos eich potensial llawn ac rydym yn hapus i drafod unrhyw addasiadau person-ganolog i'r broses recriwtio y gallai fod eu hangen arnoch.

Lawrlwythwch y disgrifiad swydd a'r fframwaith cymwyseddau.

Mae Data Cymru wedi dioddef digwyddiad seiberddiogelwch sydd wedi effeithio ar ein systemau. Cawsom ymosodiad ransomware sydd wedi amharu ar ein gweithrediadau dros dro. Natur yr ymosodiad oedd mynediad anawdurdodedig i'n systemau gan arwain at amgryptio rhai data.

Ar ôl darganfod yr ymosodiad, fe wnaethom gychwyn ein cynllun ymateb i ddigwyddiad ar unwaith, a oedd yn cynnwys:

• Ynysu'r systemau yr effeithir arnynt i atal lledaeniad pellach.
• Ymgysylltu â'n darparwr TG ac arbenigwyr seiberddiogelwch i gynorthwyo gyda'r ymchwiliad a'r gwaith adfer.
• Mae'r digwyddiad wedi cael ei adrodd i'r awdurdodau perthnasol, ac rydym yn gweithio'n agos gyda'n darparwr TGCh, ein Swyddogion Diogelu Data a Swyddfa'r Comisiynydd Gwybodaeth.

Rydym yn y broses o nodi'r data sydd wedi'i amgryptio ac yn cysylltu â'r rhai yr effeithir arnynt yn uniongyrchol. O ganlyniad, mae rhai o’n systemau all-lein ar hyn o bryd, ac efallai na fydd systemau data neu ddangosfyrddau eraill yn cael eu diweddaru mor aml ag arfer.

Rydym yn parhau i fonitro’r sefyllfa’n agos a byddwn yn eich hysbysu ar unwaith os byddwn yn darganfod unrhyw risgiau i’ch data. Rydym eisoes wedi cymryd y camau angenrheidiol i sicrhau nad oes unrhyw ddigwyddiad pellach yn bosibl. Byddwch yn amyneddgar gyda ni yn ystod yr amser hwn.

Rydym yn deall difrifoldeb y digwyddiad hwn ac rydym wedi ymrwymo i dryloywder a chymryd pob cam angenrheidiol i amddiffyn ein rhanddeiliaid. Os oes gennych unrhyw gwestiynau neu angen rhagor o wybodaeth, mae croeso i chi gysylltu â ni drwy e-bostio dataprotection@data.cymru. Fel arall, gallwch fy ffonio ar 029 2090 9502.

Richard Palmer

Prif Swyddog Gweithredu

Ein dangosfwrdd “Golwg ar dlodi” wedi'i ddiweddaru. Mae’r dangosfwrdd yn dwyn ynghyd ddata sy’n ymwneud â mesurau tlodi ar draws themâu allweddol. Ei nod yw eich helpu i ddeall mwy am dlodi yn ardal eich awdurdod lleol.

Rydym wedi ychwanegu rhywfaint o ddata ychwanegol, gan gynnwys:

• Data cyfrifiad 2021, wedi’i ddadansoddi yn ôl awdurdod lleol ac ardal gynnyrch ehangach is, lle bo ar gael. Mae diweddariadau data yn cynnwys aelwydydd mewn amddifadedd, cymwysterau yn ôl oedran, deiliadaeth aelwydydd a chyfanheddiad aelwydydd.
• Data o Ymddiriedolaeth Trussell ynghylch parseli bwyd a chanolfannau dosbarthu.
• Data ynghylch teuluoedd sydd ag incwm isel absoliwt a chymharol, gan gynnwys y teuluoedd hynny sydd mewn cyflogaeth.
• Data OFCOM ynghylch tlodi digidol.
• Data ychwanegol o Arolwg Cenedlaethol Cymru, yn benodol o dan themâu ‘iechyd’ a’r ‘amgylchedd ffisegol’.

Cymerwch gip arno ac edrychwch ar y mewnwelediadau diweddaraf...

Mae deall safbwyntiau preswylwyr yn hanfodol ar gyfer llywodraethu effeithiol. Mae arolygon preswylwyr yn ffordd bwysig o gasglu’r adborth hwn. Fodd bynnag, cyn y prosiect hwn, roedd pob arolwg preswylwyr a gynhaliwyd yng Nghymru yn unigryw, a’i gwnaeth yn anodd cymharu canlyniadau o un cyngor i’r llall. Gwelsom gyfle i wella cysondeb a chymaradwyedd yr arolygon hyn trwy fabwysiadu dull ‘Unwaith i Gymru’.

Mewn cydweithrediad â Chymdeithas Llywodraeth Leol Cymru a chynghorau lleol, datblygom arolwg preswylwyr cyson, modwlaidd, dwyieithog, a fyddai’n cael ei gynnig i bob cyngor lleol yng Nghymru. Nodau penodol y prosiect oedd:

• Lleihau costau datblygu a chynnal trwy safoni a chanoli;
• Gwella ansawdd a chymaradwyedd data trwy safoni;
• Cynnig dirnadaeth ddefnyddiadwy trwy ddangosfwrdd canlyniadau; a
• Hyrwyddo sgyrsiau am wella trwy gymharu a meincnodi.

Lansiom yr Arolwg Preswylwyr Cenedlaethol yng Ngorffennaf 2024, dim ond chwe mis  ar ôl y trafodaethau cyntaf. Yn y cyfnod hwn, gwnaethom ni ddatblygu’r arolwg cenedlaethol, cymeradwyo’r dulliau o ddiogelu a rhannu data, a chreu dangosfwrdd lledaenu.

Darllenwch ragor i ddysgu am y llwyddiannau, yr heriau, a beth sy’n dod nesaf.

Yma fe welwch yr holl newyddion InfoBase gan gynnwys diweddariadau ar y system a’i chynnwys.

Busnesau yn ôl maint (2024)

Mae’r data at gyfer 2024 am fusnesau yn ôl maint ar gael bellach yn dilyn cyhoeddiad gan y Swyddfa Ystadegau Gwladol.

Busnesau yn ôl diwydiant (2024)

Mae’r data at gyfer 2024 am fusnesau yn ôl diwydiant ar gael bellach yn dilyn cyhoeddiad gan y Swyddfa Ystadegau Gwladol.

Prisiau tai cyfartalog (Mehefin 2024)

Mae’r data ar gyfer Mehefin 2024 am brisiau tai cyfartalog ar gael bellach yn dilyn cyhoeddiad gan y Gofrestrfa Tir yn ddiweddar.

Plant sy'n derbyn gofal a chymorth (2023)

Mae’r data ar gael bellach yn dilyn cyhoeddiad gan Lywodraeth Cymru:

• Plant sy'n derbyn gofal a chymorth

• Plant sy'n derbyn gofal a chymorth, yn ôl oedran

• Plant sy'n derbyn gofal a chymorth, yn ôl ethnigrwydd

• Plant sy’n derbyn gofal a chymorth, yn ôl categori angen

• Iechyd plant sy’n derbyn gofal a chymorth

• Ffactorau rhieni plant sy’n derbyn gofal a chymorth

• Plant sy’n derbyn gofal, yn ôl categori angen (Cyfrifiad Plant sy'n Derbyn Gofal a Chymorth)

• Ffactorau rhieni plant sy’n derbyn gofal (Cyfrifiad Plant sy'n Derbyn Gofal a Chymorth)

• Plant ar y Gofrestr Amddiffyn Plant, yn ôl categori angen

• Ffactorau rhieni plant ar y Gofrestr Amddiffyn Plant

• Plant eraill sy’n derbyn gofal a chymorth, yn ôl categori angen

• Ffactorau rhieni plant eraill sy’n derbyn gofal a chymorth

Cyfrif hawlwyr Lwfans Ceisio Gwaith (Awst 2024)

Mae ffigyrau diweddaraf (Awst 2024) cyfrif hawlwyr Lwfans Ceisio Gwaith nawr ar gael yn dilyn diweddariad y Swyddfa Ystadegau Gwladol.

Data Allforion (chwarter diweddaraf, 2024)

Mae data Allforion Ebrill 2024 – Mehefin 2024 ar gael bellach yn dilyn cyhoeddiad gan Gyllid a Thollau Ei Mawrhydi (CThEM).

Cyfrif hawlwyr (Awst 2024)

Mae’r data am Awst 2024 ar nifer y bobl o oedran gweithio sy'n hawlio Lwfans Ceisio Gwaith neu Gredyd Cynhwysol ar gael bellach yn dilyn cyhoeddiad gan Lywodraeth Cymru.

Diweddariadau data Iechyd meddwl (chwarter diweddaraf, 2024)

Mae data Ebrill - Mehefin 2024 am Iechyd meddwl ar gael nawr yn dilyn cyhoeddiad gan Lywodraeth Cymru.

Bydd y diweddariad nesaf ar gael ym mis Tachwedd 2024.

Tablau Daearyddiaeth (Awst 2024)

Rydym ni wedi cyhoeddi tabl cyfeirio daeryddiaeth diweddaraf (Awst 2024) i’ch helpu i ddeall pa awdurdod lleol, ward neu fwrdd iechyd lleol mae cod post ynddo.

Mae’r tabl hwn yn cynnwys enwau a chodau adnabod daearyddiaethau ystadegol Cymru, o’r cod post trwodd i’r bwrdd iechyd lleol, a sut maent yn ymwneud â’i gilydd.

Bydd y data yn cael eu diweddaru’n chwarterol yn dilyn cyhoeddiad gan y Swyddfa Ystadegau Gwladol (ONS).

Ceiswyr Lloches (chwarter diweddaraf, 2024)

Mae data Ebrill - Mehefin 2024 am Ceiswyr Lloches ar gael nawr yn dilyn cyhoeddiad gan y Swyddfa Gartef.

Data cyfaint traffig (2023)

Mae’r data ar gyfer 2023 am gyfaint traffig ar gael bellach yn dilyn cyhoeddiad gan Lywodraeth Cymru.

Nodwch fod y data am 2008 i 2020 hefyd wedi’u ddiwygio.

Rydym yn falch o gyhoeddi bod ein Dangosfwrdd deall cydraddoldebau bellach ar gael. Ysbrydolwyd y dangosfwrdd hwn gan yr adroddiad ‘A yw Cymru’n Decach?’ a gyhoeddwyd gan y Comisiwn Cydraddoldeb a Hawliau Dynol (EHRC), sy’n defnyddio data i asesu cynnydd ar gydraddoldeb a hawliau dynol yng Nghymru.

Cynlluniwyd y dangosfwrdd i gefnogi cynghorau lleol yng Nghymru i ddeall i ba raddau y gall pawb ffynnu ar lefel leol. Mae'n dod â data cydraddoldebau ynghyd, o ffynonellau amrywiol, mewn un lle. Mae’n galluogi cynghorau lleol i weld sut mae pob carfan o’r boblogaeth yn cael ei chynrychioli ac yn cymharu hyn ar draws gwahanol grwpiau.

Rydym yn edrych ymlaen at gymryd rhan yn gofod3, y digwyddiad sector gwirfoddol mwyaf o'i fath yng Nghymru.

Trefnir gofod3 gan CGGC ar y cyd â’r sector gwirfoddol yng Nghymru.

Eleni, am y tro cyntaf ers 2019, mae gofod3 yn cael ei gynnal fel digwyddiad wyneb yn wyneb ar 5 Mehefin 2024 yn Stadiwm Dinas Caerdydd.

Rydym yn falch iawn o fynychu gofod3 fel arddangoswr! Dewch i gwrdd â ni ynghyd ac ystod eang o arddangoswyr o’r sectorau gwirfoddol, cyhoeddus a phreifat yn y farchnad ryngweithiol a gwneud cysylltiadau a allai helpu i fynd â’ch gwaith i’r lefel nesaf.

Waeth a ydych chi’n ymddiriedolwr, yn aelod staff, yn wirfoddolwyr neu’n bob un o’r rhain, gofod3 yw eich gofod unigryw i fyfyrio, dysgu a chynllunio ar gyfer y dyfodol.